Ís­land á Ameríkukorti Trumps

Trump skrifar engan texta með færslunni sem hann birti á Truth social á þriðja tímanum eftir hádegi. 

Kortið, sem virðist vera búið til af gervigreind, sýnir alla Norður-Ameríku, Grænland og Ísland þakið bandaríska fánanum.

Hann hefur áður birt slíkt kort af Grænlandi enda hefur hann ítrekað lýst því yfir að hann vilji leggja undir sig Grænland. Hann lét þau ummæli falla nýlega að eyjan yrði orðin hluti af Bandaríkjunum í janúar 2029.

Trump hefur aftur á móti ekki lýst áhuga á Íslandi með beinum hætti, þó að hann hafi í ræðu í byrjun árs ítrekað vísað til Grænlands sem Íslands. Þá var greint frá því í janúar að Billy Long, nýr sendiherra Bandaríkjanna í Reykjavík, hefði grínast með það að Ísland yrði 52. ríki Bandaríkjanna – væntanlega á eftir Grænlandi – en hann baðst síðan afsökunar á því.

Tilefni færslunnar er óskýrt en hún birtist á meðan Ursula von der Leyen er í opinberri heimsókn á Grænlandi þar sem hún hyggst tlkynna nýjan fjárfestingapakka fyrir landið.

Trump hefur í dag einnig birt fjölda annarra korta af ríkinu Nýja-Mexíkó, nema þar sem það er nefnt „Nýja-Ameríka“.

Fréttin hefur verið uppfærð með frekari bakgrunnsupplýsingum.