Pearce vill fá Malbranque

Forráðamenn Fulham hafa hafnað fimm milljón punda tilboði Man.City í franska miðjumanninn Steed Malbranque. Þetta er í annað sinn á tæpri viku sem Fulham hafnar tilboði frá Stuart Pearce og félögum. Pearce, sem leitar nú logandi ljósi að hentugum arftaka Shaun-Wright Phillips og sér Malbranque fyrir sér sem sá leikmaður, segir tilboðið sanngjarnt og skilur ekki af hverju Fulham vill ekki gangast við því. "Ef ég væri stjóri Fulham myndi ég taka þessu tilboði. Það er gott og við munum ekki bjóða hærra. Ég vill fá hann í mitt lið," segir Pearce, en Malbranque hefur skorað 38 mörk á þeim fjórum leiktíðum sem hann hefur eytt hjá Fulham.