Tekst „nýja skólanum“ að skáka þeim gamla í sumar? | Síðari hluti Runólfur Trausti Þórhallsson skrifar 22. mars 2020 18:00 KR eru ríkjandi Íslandsmeistarar. Tekst þeim að verja titilinn í sumar? Vísir/Bára Eftirvæntingin fyrir Pepsi Max deildinni er mikil þó ekki sé ljóst hvenær leikar munu hefjast vegna þeirrar óvissu sem er í samfélaginu um þessar mundir. En við hverju má búast í sumar? Í gær var farið yfir hinn svokallaða „nýja skóla“ og hvað felst í því hugtaki. Þar voru Víkingur og Breiðablik nefnd til sögunnar en þeim er báðum spáð góðu gengi í sumar. Hér að neðan verður farið yfir lið sem flokka mætti þá undir „gamla skólann.“ Hugtakið er oft notað í niðrandi merkingu en hér er einfaldlega verið að reyna gera greinarmun á því sem Víkingur og Breiðablik virðast ætla að gera öðruvísi en önnur lið Pepsi Max deildarinnar. Að þessu sinni á „gamli skólinn“ frekar við um lið sem eru ekki hrædd við að verjast til að landa þremur stigum. Liðum sem eru vel skipulögð, beinskeytt, góð í að snúa vörn í sókn og öfugt. Þá eru þetta þau lið sem hafa unnið hvað flesta titla hér á landi undanfarin ár sem og þeir þjálfarar sem hafa náð hvað mestum árangri. „Gamli skólinn“ (KR, Valur, FH og Stjarnan) Ríkjandi Íslandsmeistarar KR stefna á að verja titil sinn en það er eitthvað sem Rúnari Kristinssyni, þjálfara liðsins, hefur ekki enn tekist. Rúnar Kristinsson hefur þrívegis stýrt KR til sigurs á Íslandsmótinu í knattspyrnu.Vísir/Ernir Lið Rúnars spila öllu jafnan 4-2-3-1 leikkerfi. Markverðirnir í liðum hans eru oftast góður í loftinu og skipuleggja varnarleikinn vel. Þeir eru ekki oft kenndir við að vera frábærir í fótunum ef Rúnar Alex Rúnarsson, sonur Rúnars, er frátalinn en hann lék nokkra leiki fyrir félagið áður en hann hélt út í atvinnumennsku. Rúnar leggur samt sem áður mikið upp úr því að lið hans séu vel spilandi og geti leyst úr pressu. Bakverðir fá svo leyfi til að sækja á meðan liðið er oftast skipað tveimur djúpum miðjumönnum. Lið hans eru vel skipulögð, mjög góð í að breyta vörn í sókn og spila öllu jafnan mjög agaðan varnarleik sem og árangursríkan sóknarleik. Til að mynda skoraði aðeins Breiðablik fleiri mörk en KR í fyrra. Blikar skoruðu 45 en KR-ingar einu minna eða 44. Þá fengu Íslandsmeistararnir aðeins á sig 23 mörk eða minnst allra í deildinni. Rúnar hefur alla tíð verið duglegur að færa leikmenn til á vellinum. Þannig varð Skúli Jón Friðgeirsson að miðverði eftir að hafa verið sóknarsinnaður miðjumaður upp alla yngri flokka. Á síðustu leiktíð varð Kennie Chopart að öflugum sóknarbakverði eftir að hafa verið kant- og sóknarmaður allan sinn feril. KR liðið var hins vegar aldrei feimið við að sitja til baka og beita skyndisóknum ef þess þurfti. Til að mynda unnu þeir Víking 1-0 heima og að heiman þar sem Víkingar fengu varla færi. KR-ingar gerðu einfaldlega sitt þó svo að Rúnar hefði viljað sjá lið sitt spila boltanum betur sín á milli í fyrri leik liðanna. Heimir Guðjónsson er snúinn aftur í Pepsi Max deildina en hann tók við Val í haust. Heimir hefur verið undanfarin tvö ár í Færeyjum þar sem hann gerði HB frá Þórshöfn meðal annars að meisturum árið 2018. Þar áður hafði náð frábærum árangri með FH. Það er ekki alveg ljóst hvaða leikkerfi Valsmenn munu leika í sumar en Heimir spilaði nær eingöngu 4-2-3-1 á sínum tíma hjá FH. Eftir að hafa orðið meistarar undir stjórn Ólafs Jóhannessonar tvö ár í röð þá var síðasta tímabil Valsmanna algjör skelfing. Liðið náði aldrei neinu flugi og endaði í 6.sæti, 23 stigum á eftir toppliði KR. Undir stjórn Ólafs var liðið á köflum einkar sóknarsinnað og í upphafi sumars 2018 var liðið að spila 3-3-4 leikkerfi með tvo bakverði sem hluta af þriggja manna varnarlínu. Byrjunarlið Vals á móti Stjörnunni #valurfotbolti #valur #pepsideildin #pepsimörkin #fotboltinetrt #fotboltinet #433_is pic.twitter.com/oOKBQPa9w5— ValurFotbolti (@Valurfotbolti) May 18, 2018 Hvort Heimir muni prófa það á eftir að koma í ljós en það virðist sem hann mundi halda sig við sitt hefðbundna leikkerfi sem stendur. Hann telur Val vanta annan framherja til að minnka álagið á Patrick Pedersen, framherja liðsins. Sigurður Egill Lárusson hefur verið nýttur í fremstu víglínu á undirbúningstímabilinu þegar Pedersen spilar ekki. Aðstoðarþjálfari Heimis hjá Val er svo Srdjan Tufegdzic, betur þekktur sem Túfa, en hann þjálfaði áður Grindavík og KA í Pepsi Max deildinni. Hann er mjög taktískur þjálfari og hafa lið hans spilaðan agaðan varnarleik. Það sást best á því að Grindavík fékk aðeins á sig 28 mörk á síðustu leiktíð. Varnarleikur Vals ætti því að vera í toppmálum en liðið er skipað nokkrum af bestu varnarmönnum landsins. Þar má nefna Birki Má Sævarsson og Eið Aron Sigurbjörnsson, þá er landsliðsmarkvörðurinn Hannes Þór Halldórsson á milli stanganna. Á undirbúningstímabilinu stillti Valur upp í fast leikatriði eftir innkast í leik gegn Leikni Reykjavík. Innkastið var á miðjum vallarhelmingi mótherja. Pedersen fór alveg ofan í aftasta varnarmann og ýtti varnarlínu Leiknis aftur. Hann kom svo á ferðinni í átt að innkastinu, fékk knöttinn á bringuna og lagði hann þannig fyrir Hauk Pál sem hafði upphaflega boðið sig stutt. Haukur sendi svo knöttinn í fyrsta, nánast blinandi þvert yfir völlinn á Kaj Leó í Bartalsstovu sem var aleinn á hægri væng liðsins. Hann lék upp að vítateig og gaf fyrir. Ólafur Kristjánsson er á leið inn í sitt þriðja tímabil með FH-liðið. Eftir að hafa lent í 5. sæti sumarið 2018 þá náði liðið 3. sæti í fyrra og ætlar sér eflaust enn stærri hluti á komandi leiktíð. Ólafur kýs að spila 4-3-3 með tvo fljótandi miðjumenn fyrir framan einn djúpan. Reikna má með að Björn Daníel Sverrisson verði í lykilhlutverki á miðjunni en annars er erfitt að lesa í mögulegt byrjunarlið FH. Davíð Þór Viðarsson er hættur, Brandur Olsen er farinn til Svíþjóðar og Kristinn Steindórsson er genginn í raðir Breiðablisk en báðir léku þeir á miðju liðsins í fyrra. Þeir Daníel Hafsteinsson, á láni, og Baldur Sigurðsson eru komnir til félagsins og mögulega eiga þeir að fylla í skarðið á miðju liðsins. Baldur hefur þó alltaf spilað best í svæðinu á bakvið fremsta mann og þá eru orðrómar um að hann muni leysa miðvörð ef þess þarf. Ólafur vill að sín lið spili boltanum vel meðfram jörðinni og leggur hann áherslu á að sækja í það sem kallast á ensku „half space“ en það er svæðið utarlega á jaðri vítateigs sitt hvoru megin. Leikmannahópur FH hefur verið síbreytilegur síðan Ólafur tók við og því erfitt að setja fingurinn nákvæmlega á hvað uppleggið verður í sumar. Morten Beck mun þó eflaust spila stórt hlutverk en í honum hefur Ólafur framherja sem hann treystir fullkomlega. Hinn stóri og stæðilegi Dani gæti því nýst vel ef FH-ingar ákveða að lyfta boltanum frekar upp völlinn heldur að spila knettinum með jörðinni. Morten Beck (til vinstri) hefur átt góðu gengi að fagna síðan hann gekk í raðir FH.Bára/Vísir Að lokum er Stjarnan nefnd til sögunnar. Ólafur Jóhannesson, margfaldur Íslandsmeistari með Val og FH, er nú orðinn annar af aðalþjálfurum liðsins en fyrir er Rúnar Páll Sigmundsson sem gerði liðið að Íslandsmeisturum 2014. Liðið hefur undir stjórn Rúnars Páls spilað beinskeyttan og árangursríkan fótbolta. Það er þó alltaf pláss fyrir listamanninn Hilmar Árna Halldórsson en hann hefur verið einn af albestu leikmönnum deildarinnar undanfarin ár. Spyrnugeta hans nýtur sín þó til hins ítrasta hjá stóru og sterku liði Garðbæinga. Föst leikatriði eru hrein martröð fyrir andstæðingana Stjörnunnar. Hvort Ólafur reyni að sannfæra Rúnar um að spila 3-3-4 leikkerfið sem hann prófaði hjá Val verður að koma í ljós en áhugavert verður að fylgjast með samstarfi þeirra í sumar. Í greinunum tveimur eru alls nefnd sex lið eða helmingur allra liða sem tekur þátt í Pepsi Max deildinni í ár. Ef til vill verður ekkert þeirra meistari og mögulega verða allt önnur lið sem stela fyrirsögnunum í sumar. Það verður hins vegar að koma í ljós en þessari samantekt er slegið upp til gamans og er aðeins skoðun undirritaðs en ekki íþróttadeildar Vísis. Fótbolti Íslenski boltinn Pepsi Max-deild karla Mest lesið Skelfileg meiðsli Stefáns Árna: „Fóturinn var í mjög ljótri stöðu“ Íslenski boltinn Jafngildi 20 Þjóðarhalla við Hringbraut svo ein á að geta risið í Laugardal Sport Nauðgunardómurinn ógildur og Dani Alves er frjáls ferða sinna Sport „Trúi á fyrirgefningu og að fólk eigi að fá annað tækifæri“ Körfubolti Verstappen óánægður með Red Bull fyrir að reka liðsfélagann Formúla 1 Sjáðu fimm bestu tilþrifin og kjóstu Körfubolti Herra Víkingur kvaddur: „Rosalega gott tækifæri til að hætta“ Íslenski boltinn Depay stóð á boltanum og slóst áður en hann lyfti titlinum Fótbolti Víkingar rúlluðu KR-ingum upp Fótbolti Lét dóttur sína hlaupa þrátt fyrir að hún ætti erfitt með að anda Sport Fleiri fréttir Orri hitaði upp en fór veikur inn í klefa Benoný fagnaði eftir fund með Bolt Sjáðu Eze senda Palace í undanúrslit Herra Víkingur kvaddur: „Rosalega gott tækifæri til að hætta“ Skelfileg meiðsli Stefáns Árna: „Fóturinn var í mjög ljótri stöðu“ Depay stóð á boltanum og slóst áður en hann lyfti titlinum Markasúpa í Mjólkurbikarnum Víkingar rúlluðu KR-ingum upp Breiðablik Lengjubikarmeistari eftir öruggan sigur á Þór/KA Segja Barcelona hafa svindlað og kærðu Arnór fyrsta nafn á eftirsóknarverðum lista Frumraun Gylfa í beinni í kvöld Spyrja sig hvort Freyr geti heillað eins og Slot í Liverpool „Mér finnst þeir geta farið í báðar áttir“ Besta-spáin 2025: Meðvindur þrátt fyrir mótbyr Harry Redknapp kallaði Tuchel þýskan njósnara Slegin út með tíu mörkum í tveimur leikjum Fögnuðu grimmt og gætu fengið bann Helgi Kolviðs aftur í þjálfun Sænska stórveldið keypti Ísabellu Söru Grindvíkingar sækja um í hamfarasjóð UEFA Heimi finnst aldursumræðan algjörlega galin Brassar vilja fá Ancelotti til bjargar Eiginkonan varð að færa Marquinhos miklar sorgarfréttir Ný treyja KR kynnt með pompi og prakt Gömul ummæli Bartons dregin fram: „Menn sem berja konur eru skíthælar“ „Þetta er veikara lið“ Besta-spáin 2025: Leiðin orðin grýttari Til skoðunar að tilkynna málið til lögreglu Chelsea og Man City gætu þénað sextán milljarða á HM félagsliða Sjá meira
Eftirvæntingin fyrir Pepsi Max deildinni er mikil þó ekki sé ljóst hvenær leikar munu hefjast vegna þeirrar óvissu sem er í samfélaginu um þessar mundir. En við hverju má búast í sumar? Í gær var farið yfir hinn svokallaða „nýja skóla“ og hvað felst í því hugtaki. Þar voru Víkingur og Breiðablik nefnd til sögunnar en þeim er báðum spáð góðu gengi í sumar. Hér að neðan verður farið yfir lið sem flokka mætti þá undir „gamla skólann.“ Hugtakið er oft notað í niðrandi merkingu en hér er einfaldlega verið að reyna gera greinarmun á því sem Víkingur og Breiðablik virðast ætla að gera öðruvísi en önnur lið Pepsi Max deildarinnar. Að þessu sinni á „gamli skólinn“ frekar við um lið sem eru ekki hrædd við að verjast til að landa þremur stigum. Liðum sem eru vel skipulögð, beinskeytt, góð í að snúa vörn í sókn og öfugt. Þá eru þetta þau lið sem hafa unnið hvað flesta titla hér á landi undanfarin ár sem og þeir þjálfarar sem hafa náð hvað mestum árangri. „Gamli skólinn“ (KR, Valur, FH og Stjarnan) Ríkjandi Íslandsmeistarar KR stefna á að verja titil sinn en það er eitthvað sem Rúnari Kristinssyni, þjálfara liðsins, hefur ekki enn tekist. Rúnar Kristinsson hefur þrívegis stýrt KR til sigurs á Íslandsmótinu í knattspyrnu.Vísir/Ernir Lið Rúnars spila öllu jafnan 4-2-3-1 leikkerfi. Markverðirnir í liðum hans eru oftast góður í loftinu og skipuleggja varnarleikinn vel. Þeir eru ekki oft kenndir við að vera frábærir í fótunum ef Rúnar Alex Rúnarsson, sonur Rúnars, er frátalinn en hann lék nokkra leiki fyrir félagið áður en hann hélt út í atvinnumennsku. Rúnar leggur samt sem áður mikið upp úr því að lið hans séu vel spilandi og geti leyst úr pressu. Bakverðir fá svo leyfi til að sækja á meðan liðið er oftast skipað tveimur djúpum miðjumönnum. Lið hans eru vel skipulögð, mjög góð í að breyta vörn í sókn og spila öllu jafnan mjög agaðan varnarleik sem og árangursríkan sóknarleik. Til að mynda skoraði aðeins Breiðablik fleiri mörk en KR í fyrra. Blikar skoruðu 45 en KR-ingar einu minna eða 44. Þá fengu Íslandsmeistararnir aðeins á sig 23 mörk eða minnst allra í deildinni. Rúnar hefur alla tíð verið duglegur að færa leikmenn til á vellinum. Þannig varð Skúli Jón Friðgeirsson að miðverði eftir að hafa verið sóknarsinnaður miðjumaður upp alla yngri flokka. Á síðustu leiktíð varð Kennie Chopart að öflugum sóknarbakverði eftir að hafa verið kant- og sóknarmaður allan sinn feril. KR liðið var hins vegar aldrei feimið við að sitja til baka og beita skyndisóknum ef þess þurfti. Til að mynda unnu þeir Víking 1-0 heima og að heiman þar sem Víkingar fengu varla færi. KR-ingar gerðu einfaldlega sitt þó svo að Rúnar hefði viljað sjá lið sitt spila boltanum betur sín á milli í fyrri leik liðanna. Heimir Guðjónsson er snúinn aftur í Pepsi Max deildina en hann tók við Val í haust. Heimir hefur verið undanfarin tvö ár í Færeyjum þar sem hann gerði HB frá Þórshöfn meðal annars að meisturum árið 2018. Þar áður hafði náð frábærum árangri með FH. Það er ekki alveg ljóst hvaða leikkerfi Valsmenn munu leika í sumar en Heimir spilaði nær eingöngu 4-2-3-1 á sínum tíma hjá FH. Eftir að hafa orðið meistarar undir stjórn Ólafs Jóhannessonar tvö ár í röð þá var síðasta tímabil Valsmanna algjör skelfing. Liðið náði aldrei neinu flugi og endaði í 6.sæti, 23 stigum á eftir toppliði KR. Undir stjórn Ólafs var liðið á köflum einkar sóknarsinnað og í upphafi sumars 2018 var liðið að spila 3-3-4 leikkerfi með tvo bakverði sem hluta af þriggja manna varnarlínu. Byrjunarlið Vals á móti Stjörnunni #valurfotbolti #valur #pepsideildin #pepsimörkin #fotboltinetrt #fotboltinet #433_is pic.twitter.com/oOKBQPa9w5— ValurFotbolti (@Valurfotbolti) May 18, 2018 Hvort Heimir muni prófa það á eftir að koma í ljós en það virðist sem hann mundi halda sig við sitt hefðbundna leikkerfi sem stendur. Hann telur Val vanta annan framherja til að minnka álagið á Patrick Pedersen, framherja liðsins. Sigurður Egill Lárusson hefur verið nýttur í fremstu víglínu á undirbúningstímabilinu þegar Pedersen spilar ekki. Aðstoðarþjálfari Heimis hjá Val er svo Srdjan Tufegdzic, betur þekktur sem Túfa, en hann þjálfaði áður Grindavík og KA í Pepsi Max deildinni. Hann er mjög taktískur þjálfari og hafa lið hans spilaðan agaðan varnarleik. Það sást best á því að Grindavík fékk aðeins á sig 28 mörk á síðustu leiktíð. Varnarleikur Vals ætti því að vera í toppmálum en liðið er skipað nokkrum af bestu varnarmönnum landsins. Þar má nefna Birki Má Sævarsson og Eið Aron Sigurbjörnsson, þá er landsliðsmarkvörðurinn Hannes Þór Halldórsson á milli stanganna. Á undirbúningstímabilinu stillti Valur upp í fast leikatriði eftir innkast í leik gegn Leikni Reykjavík. Innkastið var á miðjum vallarhelmingi mótherja. Pedersen fór alveg ofan í aftasta varnarmann og ýtti varnarlínu Leiknis aftur. Hann kom svo á ferðinni í átt að innkastinu, fékk knöttinn á bringuna og lagði hann þannig fyrir Hauk Pál sem hafði upphaflega boðið sig stutt. Haukur sendi svo knöttinn í fyrsta, nánast blinandi þvert yfir völlinn á Kaj Leó í Bartalsstovu sem var aleinn á hægri væng liðsins. Hann lék upp að vítateig og gaf fyrir. Ólafur Kristjánsson er á leið inn í sitt þriðja tímabil með FH-liðið. Eftir að hafa lent í 5. sæti sumarið 2018 þá náði liðið 3. sæti í fyrra og ætlar sér eflaust enn stærri hluti á komandi leiktíð. Ólafur kýs að spila 4-3-3 með tvo fljótandi miðjumenn fyrir framan einn djúpan. Reikna má með að Björn Daníel Sverrisson verði í lykilhlutverki á miðjunni en annars er erfitt að lesa í mögulegt byrjunarlið FH. Davíð Þór Viðarsson er hættur, Brandur Olsen er farinn til Svíþjóðar og Kristinn Steindórsson er genginn í raðir Breiðablisk en báðir léku þeir á miðju liðsins í fyrra. Þeir Daníel Hafsteinsson, á láni, og Baldur Sigurðsson eru komnir til félagsins og mögulega eiga þeir að fylla í skarðið á miðju liðsins. Baldur hefur þó alltaf spilað best í svæðinu á bakvið fremsta mann og þá eru orðrómar um að hann muni leysa miðvörð ef þess þarf. Ólafur vill að sín lið spili boltanum vel meðfram jörðinni og leggur hann áherslu á að sækja í það sem kallast á ensku „half space“ en það er svæðið utarlega á jaðri vítateigs sitt hvoru megin. Leikmannahópur FH hefur verið síbreytilegur síðan Ólafur tók við og því erfitt að setja fingurinn nákvæmlega á hvað uppleggið verður í sumar. Morten Beck mun þó eflaust spila stórt hlutverk en í honum hefur Ólafur framherja sem hann treystir fullkomlega. Hinn stóri og stæðilegi Dani gæti því nýst vel ef FH-ingar ákveða að lyfta boltanum frekar upp völlinn heldur að spila knettinum með jörðinni. Morten Beck (til vinstri) hefur átt góðu gengi að fagna síðan hann gekk í raðir FH.Bára/Vísir Að lokum er Stjarnan nefnd til sögunnar. Ólafur Jóhannesson, margfaldur Íslandsmeistari með Val og FH, er nú orðinn annar af aðalþjálfurum liðsins en fyrir er Rúnar Páll Sigmundsson sem gerði liðið að Íslandsmeisturum 2014. Liðið hefur undir stjórn Rúnars Páls spilað beinskeyttan og árangursríkan fótbolta. Það er þó alltaf pláss fyrir listamanninn Hilmar Árna Halldórsson en hann hefur verið einn af albestu leikmönnum deildarinnar undanfarin ár. Spyrnugeta hans nýtur sín þó til hins ítrasta hjá stóru og sterku liði Garðbæinga. Föst leikatriði eru hrein martröð fyrir andstæðingana Stjörnunnar. Hvort Ólafur reyni að sannfæra Rúnar um að spila 3-3-4 leikkerfið sem hann prófaði hjá Val verður að koma í ljós en áhugavert verður að fylgjast með samstarfi þeirra í sumar. Í greinunum tveimur eru alls nefnd sex lið eða helmingur allra liða sem tekur þátt í Pepsi Max deildinni í ár. Ef til vill verður ekkert þeirra meistari og mögulega verða allt önnur lið sem stela fyrirsögnunum í sumar. Það verður hins vegar að koma í ljós en þessari samantekt er slegið upp til gamans og er aðeins skoðun undirritaðs en ekki íþróttadeildar Vísis.
Fótbolti Íslenski boltinn Pepsi Max-deild karla Mest lesið Skelfileg meiðsli Stefáns Árna: „Fóturinn var í mjög ljótri stöðu“ Íslenski boltinn Jafngildi 20 Þjóðarhalla við Hringbraut svo ein á að geta risið í Laugardal Sport Nauðgunardómurinn ógildur og Dani Alves er frjáls ferða sinna Sport „Trúi á fyrirgefningu og að fólk eigi að fá annað tækifæri“ Körfubolti Verstappen óánægður með Red Bull fyrir að reka liðsfélagann Formúla 1 Sjáðu fimm bestu tilþrifin og kjóstu Körfubolti Herra Víkingur kvaddur: „Rosalega gott tækifæri til að hætta“ Íslenski boltinn Depay stóð á boltanum og slóst áður en hann lyfti titlinum Fótbolti Víkingar rúlluðu KR-ingum upp Fótbolti Lét dóttur sína hlaupa þrátt fyrir að hún ætti erfitt með að anda Sport Fleiri fréttir Orri hitaði upp en fór veikur inn í klefa Benoný fagnaði eftir fund með Bolt Sjáðu Eze senda Palace í undanúrslit Herra Víkingur kvaddur: „Rosalega gott tækifæri til að hætta“ Skelfileg meiðsli Stefáns Árna: „Fóturinn var í mjög ljótri stöðu“ Depay stóð á boltanum og slóst áður en hann lyfti titlinum Markasúpa í Mjólkurbikarnum Víkingar rúlluðu KR-ingum upp Breiðablik Lengjubikarmeistari eftir öruggan sigur á Þór/KA Segja Barcelona hafa svindlað og kærðu Arnór fyrsta nafn á eftirsóknarverðum lista Frumraun Gylfa í beinni í kvöld Spyrja sig hvort Freyr geti heillað eins og Slot í Liverpool „Mér finnst þeir geta farið í báðar áttir“ Besta-spáin 2025: Meðvindur þrátt fyrir mótbyr Harry Redknapp kallaði Tuchel þýskan njósnara Slegin út með tíu mörkum í tveimur leikjum Fögnuðu grimmt og gætu fengið bann Helgi Kolviðs aftur í þjálfun Sænska stórveldið keypti Ísabellu Söru Grindvíkingar sækja um í hamfarasjóð UEFA Heimi finnst aldursumræðan algjörlega galin Brassar vilja fá Ancelotti til bjargar Eiginkonan varð að færa Marquinhos miklar sorgarfréttir Ný treyja KR kynnt með pompi og prakt Gömul ummæli Bartons dregin fram: „Menn sem berja konur eru skíthælar“ „Þetta er veikara lið“ Besta-spáin 2025: Leiðin orðin grýttari Til skoðunar að tilkynna málið til lögreglu Chelsea og Man City gætu þénað sextán milljarða á HM félagsliða Sjá meira