Ekki fleiri látist á einum degi í Banda­ríkjunum frá upp­hafi far­aldursins

Alls létust 1.800 manns af völdum Covid-19 í Bandaríkjunum á síðasta sólarhring en alls eru nú nærri 13 þúsund dauðsföll í Bandaríkjunum rakin til sjúkdómsins.

Ekki hafa fleiri látist af völdum sjúkdómnum í Bandaríkjunum á einum sólarhring frá upphafi faraldursins.

Samkvæmt tölum frá Johns Hopkins háskóla eru nú skráð rúmlega 398 þúsund kórónuveirusmit og eru þau hvergi fleiri í heiminum.

Donald Trump Bandaríkjaforseti greindi frá því á fréttamannafundi í gær að svo kynni að vera að Bandaríkin væru að nálgast „topp kúrfunnar“.

Frá Bandaríkjunum bárust einnig þær fréttir í gærkvöldi að þjóðlagatónlistarmaðurinn John Prine hefði látist af völdum Covid-19.

Ástandið í Bandaríkjunum er sem fyrr verst í New York, en þar var skráð 731 dauðsfall í gær sem rakið er til kórónuveirunnar.